Comité asesor

Comisión Asesora Externa

A Comisión Asesora Externa é un órgano integrado por investigadores/as externos/as á UDC de recoñecido prestixio internacional e con ampla experiencia científica e/o técnica na dirección de proxectos de investigación, innovación ou transferencia tecnolóxica nas áreas de actuación do CITENI.

Os membros da Comisión Asesora Externa son designados polo/a reitor/a ou o/a vicerreitor/a con competencias en investigación, por proposta do Consello Reitor do centro, por un período de catro anos que poderá ser renovado.

Son funcións da devandita comisión as seguintes:

• Asesorar a Dirección Científica e a Comisión Reitora sobre a definición temática e a orientación da investigación que se desenvolva no centro, así como sobre calquera outro aspecto que se considere oportuno.
• Asistir a Dirección Científica e a Comisión Reitora no seguimento da evolución da investigación e do centro, e así como da transferencia dos resultados da investigación.
• Avaliar periodicamente a actividade científica do persoal investigador vinculado ao centro e emitir os correspondentes informes de valoración.
• Informar sobre o interese da vinculación de novos/as investigadores/as titulares e/ou asociados/as ao centro.
• Avaliar anualmente as memorias de actividades do centro.
• Avaliar globalmente cada catro anos a actividade do centro.
• Realizar cantos informes e propostas se xulguen oportunos no relativo á política científica do centro.