¿Queres saber por que voan os avións?
Se es estudante de Educación Secundaria ou Formación Profesional poderás achegarte ao CITENI e achar a resposta a estas preguntas. Realizarás unha inmersión experiencial, visitarás os nosos laboratorios e coñecerás os diferentes campos de acción da enxeñería.No CITENI queremos achegar a ciencia e a tecnoloxía ao alumnado máis novo. Os últimos venres de cada mes (dende xaneiro ata maio) celebramos os Venres Tecnolóxicos.
Trátase dunha xornada diferente de aprendizaxe. O estudantado poderá coñecer as nosas instalacións, os laboratorios e charlar co persoal investigador do centro. Realizará unha inmersión experiencial para descubrir o día a día de quen investiga en ciencia e busca solucións tecnolóxicas capaces de mellorar o mundo e a sociedade.
Os centros de Educación Secundaria e Formación Profesional interesados poderán solicitar participar nun Venres Tecnolóxico enviando un correo a comunicación.citeni@udc.gal. Lembra indicar a data de preferencia, o nivel e o número de estudantes.
Visita aos laboratorios
Os Venres Tecnolóxicos convidan ao alumnado a achegarse á ciencia e á tecnoloxía dunha maneira máis próxima, ao introducirse en laboratorios reais.
Charlas con investigadores
Representan unha oportunidade de orientación académica e profesional excelente, xa que poderán conversar con investigadores e preguntarlles polo seu día a día.
Orientación académica
Poderán descubrir as variadas traxectorias profesionais que lles pode ofrecer a Enxeñaría.
A nosa intención é achegar o coñecemento científico-tecnolóxico á mocidade e contribuír a espertar vocacións STEAM+ e incentivar o interese pola investigación naquelas persoas que van construír o mundo do futuro.
Centros Educativos
*último venres de cada mes
(desde xaneiro ata maio)
