A Canle de Ensaios Hidrodinámicos é unha infraestrutura singular, das poucas existentes en España, destinada á realización de ensaios con modelos a escala de buques e artefactos. Búscase nela estudar, entre outros aspectos, o seu comportamento no mar en distintas condicións de ondada, e o fondeo así como levar a cabo tests de autopropulsión tanto en augas tranquilas como en ondas.
Instalacións
Equipos
- Guindastre pórtico de X Kg de capacidade máxima.
- Guindastre de lanza de parede de 200 kilogramos de capacidade máxima.
O carro de monitorización e seguimento é unha plataforma motorizada, cuxo desprazamento admite tanto un control remoto programable como un control directamente manual, o que posibilita facer un seguimento preciso dos modelos ou vehículos ensaiados. Esta plataforma ten un peso aproximado de 250 kg, unha carreira que abarca 45 m dos 55 m totais de lonxitude da canle e unhas dimensións de 5000 x 1130 x 355 mm. O seu accionamento é eléctrico, e permite alcanzar unha velocidade máxima de 3 m/s.
O xerador de ondas é do tipo flap pivotante. Ten a capacidade de producir ondas tanto regulares como irregulares segundo diferentes espectros típicos (Jonswap, Bretschneider, TMA) ou espectros de ondada definidos polo usuario. Así mesmo, o xerador dispón dun sistema de absorción activa de ondas, que lle permite reducir en gran medida os tempos de espera entre distintos ensaios con ondas. O software de control do xerador conta cun sistema de toma de datos de movemento de pa e de altura e período de onda xerados.
Instrumentación
- Cámara de gravación de alta calidade Panasonic Lumix DMC-GH4. Pode somerxerse graza á súa carcasa estanca até 100 m de profundidade (10Bar HS-DC-Pn-GH4).
O sistema de captura de movementos baixo a auga componse de tres cámaras (QUALYSIS MIQUS M3), capaces de determinar os parámetros de movemento dunha serie de marcadores situados sobre o obxecto cuxa dinámica desexa coñecerse. Mediante o procesado dos datos obtidos coas cámaras, o sistema é capaz de medir os movementos en seis graos de liberdade sen necesidade de interacción física, o cal é especialmente útil cando os movementos que se desexan coñecer son de elevada amplitude.
O sistema de medición da ondada consta dun conxunto de galgas, unha tarxeta de adquisición de datos e un software que permite obter os datos das ondas nos puntos en que están situadas. Alén disto, co devandito software poden posprocesarse os datos para realizar unha análise máis avanzada.
O sistema de medición inercial componse dun conxunto de inertial measurement units (IMU) sen fíos do fabricante Xsense con sensores de microsistemas electromecánicos (MEMS) en que se inclúen magnetómetros, giróscopos e acelerómetros, que proporcionan as velocidades angulares, as aceleracións, o campo magnético e a orientación do modelo que se desexa ensaiar.
Modelos
- Buque arrastreiro de popa de tamaño medio escala 1:15. Equipado con autopropulsión, computador, antena wifi, sensor de par, sonar.
- Buque arrastreiro de popa de tamaño medio escala 1:30. Equipado con autopropulsión.
- Módulo de arrecife artificial escala 1:2.
Robots submarinos
- Dous robots submarinos BlueROV 2 con manipuladores (16 kg, 457 x 575 x 254 mm, propulsores vectorizados, comunicación e transmisión de vídeo de alta definición en tempo real, manipulador de tipo pinza).
- Robot submarino KAI con manipulador articulado (160 kg, 1400 x 700 x 800 mm, propulsores vectorizados, LIDAR, SOAR, DVL, comunicación e transmisión de vídeo de alta definición en tempo real, manipulador articulado con cinco graos de liberdade).
Tipos de ensaios
Ensaios de estabilidade e amortecemento
- Ensaios de estabilidade e amortecemento de buques e artefactos flotantes.
- Ensaios de comportamento no mar de buques, baixo a acción de calquera dirección de onda para velocidade cero e baixo a acción de ondas lonxitudinais para buques autopropulsados. As ondas para reproducir poden ser regulares, ou ben irregulares utilizando distintos espectros.
- Ensaios de comportamento dinámico de artefactos e instalacións tanto fixas ao fondo como flotantes posicionadas con sistemas de fondeo, por exemplo: plataformas en mar aberto (offshore) ou sistemas de xeración de enerxía a partir das ondas. Lévanse a cabo de novo baixo a acción de ondas tanto regulares como irregulares.
- O tamaño dos modelos de buque para empregar nestes ensaios dependerá en gran medida do tipo de análise que se vaia realizar e das condicións de ondada que se desexe reproducir. Como referencia poden terse en conta as seguintes restricións:
- Ensaios de estabilidade e amortiguamiento de buques e artefactos flotantes.
- Todo tipo de modelos: ondas lonxitudinais: manga × calado < 0,56 m2; e Ondas transversais: Eslora × Calado < 0,56 m2z
Contacto
Correo electrónico: vicente.diaz.casas@udc.es.gal
Teléfono: +34 881 013 857