Simulación por computador de sistemas mecánicos móbiles, con aplicacións prácticas nos campos da automoción, biomecánica, maquinaria e marítimo, que se estende ao desenvolvemento de prototipos físicos e á experimentación cando os proxectos así o requiren.
- Prototipo de baixa potencia de banco de ensaio de motores eléctricos.
- Banco de ensaios ciber-físico para motores de coches eléctricos (Big Bench).
- Prototipo de automóbil sensorizado con actuación automatizada.
- Prototipos de triciclo inclinable e de triciclo inclinable reclinado
- Prototipo de bicicleta eléctrica dirixida por control remoto.
Liña de biomecánica
- Laboratorio de análise de movemento con sistemas de captura óptico e inercial, placas de forza e sensores de electromiografía superficial.
- Modelos músculo-esqueléticos físicos de corpo completo e de columna vertebral.
- Cinta de correr.
- Pantalla xigante con visualización 3D para exercicios con biofeedback.
Liña marítima
- Máquinas de ensaios para a caracterización da resistencia á apertura de redes de pesca.
- Dispositivo para a medida da resistencia ao avance de redes de pesca en canles hidrodinámicas.
Tipos de ensaios
A especialidade do LIM consiste no desenvolvemento de aplicacións informáticas personalizadas de acordo coas necesidades do usuario para a resolución de problemas do campo dos sistemas mecánicos móbiles, xunto cos dispositivos físicos que sexan necesarios.
Automoción
- Modelos multicorpo de vehículos.
- Observadores de estados, forzas e parámetros baseados en modelos multicorpo de vehículos: sensores virtuais.
- Monitorización de vehículos.
- Controladores de vehículos.
- Xemelgos dixitais de vehículos ou compoñentes.
- Bancos de ensaios de compoñentes.
- Simulación de ensaios reais.
Biomecánica
- Modelos multicorpo completos ou parciais do corpo humano, a nivel esquelético, músculo-esquelético, ou neuro-músculo-esquelético.
- Análise do movemento humano e animal.
- Análise de exoesqueletos.
- Órteses activas para axuda á marcha.
- Sensorización biomecánica.
Maquinaria
- Simuladores de escavadoras, guindastres, carretas elevadoras, etc.
Sector marítimo
- Simulación do comportamento de redes de pesca e aparellos no mar.
- Ensaios de redes de pesca.
- Simulación de manobras en buques de superficie ou submarinos.
- Simulación de sistemas de aproveitamento de enerxía mariña.
Contacto
Correo electrónico: javier.cuadrado@udc.es.gal
Web: https://lim.ii.udc.es/
Teléfono: +34 881 013 873
CITENIlaboratorios