O laboratorio e os seus anexos, contan con equipos para o ensaio de procesos de transferencia de materia e enerxía ligados á depuración de gases de combustión, incluída unha cámara de combustión e unha torre de lavado con instrumentación e equipos de medida.
Realízanse simulacións de procesos desde o punto de vista enerxético e CFD a través de software científico. Disponse dun cilindro de alta presión para o estudo de materiais baro e respirocalóricos.
- Equipo a escala real de lavado de gases de combustión dun buque para a análise e optimización tanto dos sistemas de propulsión como da propia planta.
- Cilindro de alta presión para a análise de materiais barocalóricos e respirocalóricos con instrumentación e sistema de adquisición de datos.
- Laboratorios de automatismos e electrónica para desenvolver a parte de instrumentación e control dos equipos e procesos sometidos a estudo.
- Software científico para a análise enerxética e exerxética de procesos.
- Estudo e optimización de intercambiadores de calor para a industria do gas en todos os seus procesos (gas natural) e enerxías renovables mediante software de simulación específico.
- Simuladores de cargas líiquidas en buques quimiqueiros para poder analizar todos os procesos e extrapolar datos reais que leven a validar os modelos desenvolvidos.
- No equipo de lavado de gases, analízase o proceso de absorción de dióxido de xofre e partículas dunha corrente gasosa en auga de mar ou unha solución acuosa absorbente.
- No cilindro de alta presión, trátase de caracterizar materiais barocalóricos ao ser sometidos a ciclos de presurización/despresurización.
No equipo de lavado de gases, establécense previamente o tipo de recheo e a súa altura, así como as correntes de gas e fluído absorbente. Unha vez estabilizado o sistema, analízanse as concentracións de dióxido de xofre á entrada e á saída do equipo. Por outra banda, determínase a caída da presión en dirección radial e axial. Deste xeito fíxanse, entre outros parámetros, a eficiencia dae separación e a enerxía necesaria.
No cilindro de alta presión, disponse un material barocalórico que é sometido a unha presión hidráulica máxima de 500 bar. O fluído realiza a función de presurización e de transferencia de calor. Monitorízanse os cambios de temperatura do material, así como as ramplas de ascenso e descenso dao presión, o que permiteindo caracterizar o material, que pode dispoñerse en forma compactada ou disolto no propio fluído.
Contacto
Correo electrónico: alvaro.baalina@udc.gal
Teléfono: +34 881 014 253