O proxecto SISdATA ten como obxectivo principal fomentar a sustentabilidade e a eficiencia na acuicultura da área atlántica para contribuír ao desenvolvemento económico e o coidado ambiental da rexión.  

Búscase validar un novo sistema de información para predicir condicións específicas de fluxo nas granxas de acuicultura mariña, tanto no interior como no exterior das instalacións acuícolas. A nova plataforma integrará datos de diversas fontes, como satélites e sensores locais de calidade da auga. Tamén empregará simulacións computacionales e modelos bioquímicos para conectar os diferentes fenómenos a varias escalas. 

Desenvolverase e probará a nova plataforma en diversos estudos de caso na área Atlántica co propósito de proporcionar información valiosa para a xestión óptima e sostible das granxas acuícolas. O obxectivo é mellorar a súa resistencia contra eventos climáticos ou contaminantes. Espérase que esta iniciativa teña un impacto económico positivo para o sector, pero tamén noutros ámbitos que dependen directamente da calidade da auga en estuarios e zonas costeiras, como a agricultura e o turismo.