Os principios estratéxicos do centro sitúan a responsabilidade social corporativa (RSC) como eixe central das súas actuacións: o centro pretende darlles resposta aos problemas que presenta a industria, con solucións tecnolóxicas que contribúan a mellorar, non só a economía local, senón tamén a sociedade e o medio ambiente nun nivel global. Así mesmo, os nosos esforzos humanos e materiais diríxense a aumentar o valor engadido do produto final, e a mellorar as condicións laborais de todos os traballadores, sen esquecer o respecto á natureza e a transparencia informativa entre todos os axentes implicados.