A investigadora do CITENI Laura Castro repite entre o 2 % do persoal científico máis influente do mundo
A investigadora do CITENI Laura Castro repite entre o 2 % do persoal científico máis influente do mundo
A investigadora do Centro de Investigación en Tecnoloxías Navais e Industriais (CITENI) Laura Castro volve aparecer na prestixiosa listaxe da Universidade de Stanford polo seu traballo en enerxías renovables mariñas.
Ferrol, 3 de outubro de 2025.- A investigadora Laura Castro Santos, profesora do Departamento de Enxeñaría Naval e Industrial da Universidade da Coruña (UDC), membro do Grupo MARES (Materials and Renewable Energy for Engineering, Environment and Sustainability) e adscrita ao Centro de Investigación e Tecnoloxías Navais e Industriais (CITENI), volve ser incluída na World’s Top 2% Scientist List elaborada pola Universidade de Stanford e a editorial académica Elsevier. Esta clasificación identifica o 2 % do persoal investigador máis influente a nivel internacional na súa áreas de traballo.
En 2024, Laura Castro acumulou 210 citas, cun índice de Hirsch ou índice h 8. Na área de Enerxía, ocupa o posto 5 400 dun total de 7 256. A nivel global, sitúase na posición 170 373 entre máis de 343 000 persoas investigadoras avaliadas. Estes indicadores reflicten tanto a súa produtividade como o impacto da súa traxectoria científica.
O seu traballo, centrado no desenvolvemento e a avaliación de tecnoloxías para as enerxías renovables mariñas, constitúe unha contribución esencial á transición cara a un modelo enerxético sostible, que consolida o CITENI da UDC como un referente internacional neste ámbito.
Acceso á clasificación completa nesta ligazón.
