O CITENI contribúe co seu coñecemento en sistemas de dinámica multicuerpo. Achegará a súa experiencia para a simulación do comportamento mecánico de unidades de transporte e traslado, así como para a análise da súa repercusión en variables como o consumo enerxético. En particular, simulará a dinámica de vehículos de mando co obxectivo de anticipar o seu comportamento en terreos irregulares, antes do seu despregamento en situacións reais. Esta simulación preditiva permitirá anticipar o impacto de modificacións no deseño orixinal dos vehículos, como a adopción de propulsión eléctrica e variacións na súa distribución de masa, dimensións ou configuración. A simulación dinámica determinará como afectarán estas variables á capacidade funcional e o consumo enerxético dos vehículos.