Os laboratorios do CITENI abren as súas portas para celebrar a G-Night
Os laboratorios do CITENI abren as súas portas para celebrar a G-Night
El próximo 29 de septiembre el Centro de Investigación en Tecnoloxías Navais e Industriais del Campus Industrial de Ferrol celebra, por tercer año consecutivo, la G-Night, la Noche Gallega de las Personas Investigadoras. Habrá más de 600 plazas disponibles para asistir a los talleres lúdicos y tecnológicos que organiza su personal investigador, destinadas a grupos escolares y público familiar
O último venres do mes de setembro ten lugar a European Researchers’ Night (a Noite Europea das Persoas Investigadoras). Un evento público a nivel europeo que pretende achegar a diversidade da ciencia á cidadanía con diversas accións de divulgación científica e tecnolóxica. O 29 de setembro organízase a 12.ª edición en máis de 26 países e 400 cidades de toda Europa.
Baixo o lema “Conciencias creativas”, Galicia únese, por terceiro ano consecutivo, cun evento asociado a este festival científico-tecnolóxico: a G-Night, en que participan as tres universidades galegas, USC, UVigo e UDC, ademais doutros institutos e centros de investigación da nosa comunidade. Durante toda a xornada, o persoal investigador destas institucións realizará experimentos e actividades de divulgación e entretemento científico-tecnolóxico en campus, rúas, prazas, museos e bares das sete principais cidades galegas: Vigo, A Coruña, Ourense, Santiago, Lugo, Pontevedra e Ferrol converteranse ese día nunha grande ágora da ciencia.
O CITENI abre as portas dos seus laboratorios en Ferrol e A Coruña con máis de 600 prazas que permitirán a grupos escolares e público familiar coñecer as súas instalacións e descubrir as múltiples ramas da enxeñaría sobre as que investiga o Campus Industrial de Ferrol. Ademais, os visitantes poderán relacionarse coa parte humana da investigación científica: o persoal investigador, que explicará os seus avances e proxectos a quen participe nesta festa da ciencia e a tecnoloxía.
Os obradoiros que se realizarán en Ferrol son sete:
- “Navegando por un mar en miniatura: modelos de barcos a escala na canle de ensaios”.
- “Un percorrido polos túneles de vento”, que se realizará no Laboratorio de Fluídos.
- “Polímeros sostibles para a impresión 3D. É un desperdicio? Non, é un polímero 3D”, no Laboratorio de Plásticos.
- “A luz que cambia a materia”, a cargo do grupo do Laboratorio de Aplicacións Industriais do Láser (LAIL).
- “Este sólido está moi líquido?”, impartido por persoal do Grupo de Propiedades Térmicas e Reolóxicas de Materiais (PROTERM).
- “Un circuíto de carreiras virtual: ensaiando motores de coches sen saír do laboratorio”, que terá lugar no Laboratorio de Enxeñaría Mecánica (LIM).
- “A forma do espazo cámbianos a vida”, a cargo dun grupo de investigadores do Centro de Investigación e Tecnoloxía Matemática de Galicia (CITMAGA), que se suman a este evento na cidade de Ferrol.
Na Coruña, durante a xornada de mañá, membros do Grupo de Enxeñaría Enerxética (INGEN) do CITENI conducirán o obradiro: “Realmente sabemos como funciona un barco? Vén descubrilo ao simulador avanzado da ETS de Náutica e Máquinas”destinado a grupos escolares; e xa pola tarde impartirán a charla divulgativa “Buques GNL A importancia do transporte de gas natural por vía marítima” no bar La Olímpica, ás 18:30 h.
Toda a programación do evento e a información sobre como inscribirse está dispoñible na web: https://gnight.gal/programacion.
